UK-ல் எங்கு வாடகைக்கு எடுக்கலாம்? நகரங்களுக்கான செலவு விவரங்கள் – 2025
UK-ல் வாடகை: 1-Bedroom Apartments-கான 2025 அரையாண்டுப் பகுதியின் நகர வாரியான வழிகாட்டி
நீங்கள் UK-ல் ஒரு புதிய வாழ்க்கையைத் தொடங்க திட்டமிடுகிறீர்களா? ஒரு புதிய வேலை, உயர்கல்வி அல்லது ஒரு சூழ்நிலை மாற்றம் எதுவாக இருந்தாலும், குடியேறும் முன் நீங்கள் புரிந்துகொள்ள வேண்டிய முக்கிய விஷயங்களில் ஒன்று வாடகைச் சந்தை (Rental Market). 2025 ஆம் ஆண்டில், இங்கிலாந்தின் வாடகைச் சந்தை மிகவும் மாறுபட்டதாக உள்ளது. முக்கிய நகரப் பகுதிகளில் உள்ள 1-Bedroom Apartment-ன் விலைகள் நகரத்திற்கு நகரம் கணிசமாக வேறுபடுகின்றன. உங்கள் வரவு செலவிற்கு ஏற்றவாறு எங்கு வாடகைக்கு எடுக்கலாம் என்பதைத் தெளிவாகப் புரிந்துகொள்ள, பல்வேறு நகரங்களில் நீங்கள் எதிர்பார்க்கக்கூடிய வாடகை விலைகளைப் பற்றி இப்போது பார்க்கலாம்.
உயர்தர நகரங்கள்: தேவை விலைகளை உயர்த்துகிறது
ஆச்சரியப்படத்தக்க வகையில், தலைநகரான London வாடகை விலைகளில் முதலிடம் வகிக்கிறது. மத்திய London-ல் ஒரு 1-Bedroom Apartment-ன் வாடகை மாதத்திற்கு £1,800 முதல் £2,500 வரை இருக்கலாம். வெளி London பகுதிகளில் கூட வாடகை பெரிய அளவில் குறையாது, நாட்டின் மற்ற பகுதிகளை விட கணிசமாக அதிகமாகவே இருக்கும்.
London-க்கு அப்பால், வேறு சில நகரங்களும் தொடர்ந்து அதிக வாடகைகளைக் கோருகின்றன. கல்வி மையங்களான Cambridge மற்றும் Oxford, London-ஐ விட சற்றுக் குறைந்திருந்தாலும், அங்குள்ள 1-Bedroom Apartments பொதுவாக £1,300 முதல் £1,500 வரை வாடகைக்கு விடப்படுகின்றன. இந்த நகரங்களின் புகழ்பெற்ற பல்கலைக்கழகங்களும், உயர்தர வாழ்க்கை முறையும் இந்த அதிக செலவுக்கு முக்கிய காரணங்களாக அமைகின்றன.
பிரபலமான கடற்கரை நகரமான Brighton அதிக தேவையைக் கொண்டுள்ளது. இங்கு 1-Bedroom Flats சராசரியாக £1,200 முதல் £1,400 வரை வாடகைக்கு விடப்படுகின்றன. அதேபோல், கலை, கலாச்சாரம் மற்றும் வலுவான பொருளாதாரத்திற்கான மையமான Bristol நகரத்திலும், 1-Bedroom வாடகைகள் பெரும்பாலும் £1,200 முதல் £1,400 ஆக இருக்கும்.
உயர்தரப் பட்டியலில் இறுதியாக இருப்பது, Scotland-ன் வரலாற்றுச் சிறப்புமிக்கதும் அழகானதுமான தலைநகர் Edinburgh. இந்த நகரம் அண்மைக் காலமாக கணிசமான வாடகை வளர்ச்சியை சந்தித்துள்ளது. இங்கு, மையப் பகுதிகளில் உள்ள 1-Bedroom Apartments பொதுவாக £950 முதல் £1,200க்கும் அதிகமாக வாடகைக்கு விடப்படுகின்றன.
மத்திய-தர நகரங்கள்: செலவு மற்றும் வாய்ப்புகளின் சமநிலையைக் கண்டறிதல்
நடுத்தர வாடகை விலைகளில், நீங்கள் நல்ல வேலை வாய்ப்புகளுடன் குறைந்த வாடகையுள்ள நகரங்களை UK-ல் காணலாம். உதாரணத்திற்கு, வடக்கு UK-ன் முக்கியமான மற்றும் மிகவும் சுறுசுறுப்பான நகரமான Manchester, இங்கு நகர மையத்தில் உள்ள 1-Bedroom Apartments-ன் வாடகை பொதுவாக மாதத்திற்கு £900 முதல் £1,100 வரை இருக்கும்.
UK-ன் இரண்டாவது பெரிய நகரமான Birmingham, செலவுக்கும் வாய்ப்புகளுக்கும் இடையே ஒரு நல்ல சமநிலையை வழங்குகிறது. இங்கு நகர மையத்தில் உள்ள 1-Bedroom Apartments பொதுவாக £850 முதல் £1,000 வரை வாடகைக்குக் கிடைக்கின்றன. அதேபோல், ஒரு பெரிய நிதி மற்றும் சட்ட மையமான Leeds நகரத்திலும், மத்தியப் பகுதிகளில் உள்ள 1-Bedroom வாடகைகள் பெரும்பாலும் £850 முதல் £1,000 வரை இருக்கும்.
Scotland-ன் மிகப்பெரிய நகரமான Glasgow, Edinburgh-ஐ விட சற்றே குறைந்த வாடகையாக உள்ளது. அங்கு நகர மையத்தில் உள்ள 1-Bedroom Flats பெரும்பாலும் £800 – £950 அளவில் உள்ளன.
ஒரு சுறுசுறுப்பான பல்கலைக்கழக நகரத்தைத் தேடுகிறீர்களா? அப்படியானால், Nottingham நல்ல தேர்வாக இருக்கும். இங்கு நகர மையத்தில் உள்ள 1-Bedroom Apartments-ன் வாடகை பொதுவாக £750 முதல் £900 வரை இருக்கும். கலாச்சாரம் மற்றும் இசையில் ஆர்வம் உள்ளவர்களுக்கு, Liverpool சரியான நகரம். இங்கு நகர மையத்தில் உள்ள 1-Bedroom Flats பெரும்பாலும் £700 முதல் £850 வரை வாடகைக்குக் கிடைக்கும்.
UK முழுவதும் குறைந்த செலவில் வாழலாம்
உங்கள் UK இடமாற்றத்தில் செலவு ஒரு முக்கிய காரணியாக இருந்தால், பல நகரங்கள் தொடர்ந்து குறைந்த அளவிலான வாடகைகளை வழங்குகின்றன.
Welsh தலைநகரான Cardiff பெரும்பாலும் ஒரு மலிவான தேர்வாகக் குறிப்பிடப்படுகிறது. இங்கு நகர மையத்தில் உள்ள 1-Bedroom Apartments பொதுவாக £700 முதல் £800 வரை வாடகைக்குக் கிடைக்கும். அயர்லாந்து கடலுக்கு(Irish Sea) அப்பால், Northern Ireland-ன் தலைநகரான Belfast, UK-ல் தொடர்ந்து மலிவான வாடகைகளை வழங்குகிறது. இங்கு மையப் பகுதிகளில் உள்ள 1-Bedroom Apartments பெரும்பாலும் £650 முதல் £750 க்கு கிடைக்கின்றன.
வடக்கு இங்கிலாந்தில் உள்ள Newcastle upon Tyne நகரத்தில் நீங்கள் நல்ல வாடகை மதிப்பை எதிர்பார்க்கலாம். இங்கு நகர மையத்தில் உள்ள 1-Bedroom Apartments பொதுவாக £650 – £750 வரம்பில் இருக்கும். அருகிலுள்ள, Durham என்ற கவர்ச்சிகரமான நகரத்தில் இன்னும் குறைந்த அளவிலான வாடகைகள் இருக்கலாம், இங்கு நகர மையத்தில் உள்ள 1-Bedroom குடியிருப்புக்கு நீங்கள் £600 முதல் £700 வரை எதிர்பார்க்கலாம்.
East Midland-ல் உள்ள Leicester நகரம் ஒப்பீட்டளவில் குறைந்த செலவில் வாழ ஒரு நல்ல இடமாகும். இங்கு நகர மையத்தில் உள்ள 1-Bedroom Apartments பெரும்பாலும் £600 முதல் £700 வரை வாடகைக்குக் கிடைக்கும். கடைசியாக, East Yorkshire-ல் உள்ள Hull நகரம் மிகவும் குறைந்த வாடகைக்குப் பெயர் பெற்றது. இங்கு நகர மையத்தில் உள்ள 1-Bedroom Apartments பெரும்பாலும் £600 க்கும் குறைவாகவே கிடைக்கின்றன.
உங்கள் வாடகை பயணத்திற்கான முக்கிய குறிப்புகள்
இங்கு கொடுக்கப்பட்டுள்ள சராசரி வாடகை விலைகள் ஒரு பொதுவான யோசனையை மட்டுமே தரும். ஆனால், UK-ல் வாடகைச் சந்தை மிகவும் வேகமாக மாறக்கூடியது என்பதை நினைவில் கொள்ளுங்கள். நீங்கள் கவனத்தில் கொள்ள வேண்டிய சில முக்கியமான விஷயங்கள் இங்கே:
- நகர மையத்திற்கு வெளியே (Outside City Centre):
நகர மையத்தில் இருந்து நீங்கள் எவ்வளவு தூரம் செல்கிறீர்களோ, அவ்வளவுக்கு வாடகை குறையும். எனவே, குறைந்த அளவிலான வாடகையில் நல்ல இடத்தைக் கண்டுபிடிக்க நகரத்திற்கு வெளியே உள்ள பகுதிகளை ஆராயத் தயங்காதீர்கள். - அடுக்குமாடிப் பகிர்வு (Flat-shares):
வரவு செலவு குறைவாக உள்ளவர்கள், மற்றவர்களுடன் ஒரு வீட்டையோ அல்லது Apartments-ஐ பகிர்ந்து கொண்டால், உங்களுடைய தனிப்பட்ட வாடகைச் செலவுகளை அதிகளவில் குறைக்கலாம். - சந்தை மாற்றங்கள் (Market Fluctuations):
UK-ல் வாடகைச் சந்தை மிகவும் போட்டித்தன்மை வாய்ந்தது. மக்கள் அதிகமாக விரும்பும் பகுதிகளில், அதிக தேவையால் வாடகை விலைகள் வேகமாக அதிகரிக்கலாம். அதனால், இதற்கு நீங்கள் தயாராக இருக்க வேண்டும். - புதிய கட்டிடங்கள் Vs. பழைய சொத்துக்கள்: புதிதாகக் கட்டப்பட்ட கட்டிடங்கள் நவீன வசதிகளுடன் வருவதால், அவற்றின் வாடகை அதிகமாக இருக்கும். ஆனால், பழைய கட்டிடங்களில் உள்ள Flats உங்கள் வரவு செலவுக்கு ஏற்ற குறைந்த அளவிலான வாடகையில் கிடைக்கும்.
UK-ல் ஒரு வெளிநாட்டவராக வீடு தேடுவது, பொறுமை, முழுமையான ஆராய்ச்சி, மற்றும் வாடகைச் செயல்முறைகள், செலவுகள் பற்றிய தெளிவான புரிதல் ஆகியவற்றை உள்ளடக்கியது. வெவ்வேறு நகரங்களில் உள்ள வாடகை வேறுபாடுகளை நன்கு அறிந்து, தயாராக இருந்தால், நீங்கள் எளிதாக வீடு கண்டுபிடித்து, இங்கிலாந்தில் உங்கள் புதிய வாழ்க்கையை வசதியாகவும், மலிவாகவும் தொடங்கலாம்!
Dreaming of a fresh start in the UK? Whether it’s for a new job, studies, or a complete change of scenery, understanding the rental market is key! As of early/mid-2025, UK rent prices for 1-bedroom city apartments vary wildly from one city to another.
Our guide breaks down exactly what you can expect to pay across the UK, from the sky-high costs of London and its academic neighbors to surprisingly affordable options in places like Hull or Belfast. We’ll help you navigate the high-end, mid-range, and budget-friendly cities, plus give you crucial tips on how factors like location, flat-sharing, and market changes can impact your wallet.
Ready to find your perfect, affordable base in the UK? Dive into our detailed city-by-city cost breakdown and get ready to make your move!
