Netherland ல் சம்பள உயர்வு: Full-Time , Part-Time Work செய்பவர்களுக்கு ஏற்படும் மாற்றங்கள்
2025ஆம் ஆண்டு Netherland ல் அனைத்து தொழிலாளர்களுக்கும் சம்பள உயர்வு கிடைக்க இருந்தாலும், இந்த உயர்வு அனைவருக்கும் ஒரே மாதிரியாக இருக்காது என்பதுதான் ஆச்சரியமான உண்மை. Full-Time Work செய்பவர்கள் அதிக அளவு சம்பள உயர்வை பெறுவார்கள் என்றால், Part-Time Work செய்பவர்கள் குறைந்த அளவே சம்பள உயர்வை பெறுவார்கள். இதற்கான காரணம் Netherland ன் புதிய வரி விதிப்பு முறையில்தான் இருக்கிறது.
2024 ஆம் ஆண்டில் என்ன நடந்தது?
2024 ஆம் ஆண்டு Netherland ல் அனைத்து தொழிலாளர்களுக்கும் குறைந்தபட்ச மணிநேர ஊதியம் நிர்ணயிக்கப்பட்டது. அதாவது, எந்த ஒரு வேலையில் பணிபுரிந்தாலும் ஒரு மணி நேரத்திற்கு கிடைக்க வேண்டிய குறைந்தபட்ச தொகை நிர்ணயிக்கப்பட்டது.
அதே ஆண்டு, Netherland ன் அரசாங்கம் அடுத்த ஆண்டுக்கான செலவுத் திட்டத்தை அறிவித்தது. இந்த திட்டத்தில், மக்களின் வருமானத்தில் என்னென்ன மாற்றங்கள் செய்யப்போகிறார்கள் என்பதை விளக்கினார்கள்.
புதிய வரி விதிப்பு முறை
அரசாங்கம் சில புதிய வரி விதிப்பு முறைகளை அறிமுகப்படுத்தியுள்ளது:
- புதிய வரி வகைகள்: மக்கள் சம்பாதிக்கும் தொகையை பொறுத்து வெவ்வேறு வகையான வரிகள் விதிக்கப்படும்.
- வரி கழிவுகள் குறைப்பு: இதுவரை வரி செலுத்தும் போது குறைக்க முடியும் என்று இருந்த சில தொகைகளை இனி குறைக்க முடியாது. இதனால் மக்கள் அதிக வரி செலுத்த வேண்டியிருக்கும்.
சம்பள உயர்வு: Full-Time vs. Part-Time
குறைந்தபட்ச சம்பளம் உயர்த்தப்பட்டாலும், இந்த புதிய வரி விதிப்பு முறையால் அனைவருக்கும் சமமாக பலன் கிடைக்காது என்று Visma Raet நிறுவனம் கூறுகிறது.
- Part-Time தொழிலாளர்கள்: வாரத்திற்கு 32 மணி நேரம் வேலை செய்யும் ஒருவர் மாதம் வெறும் 11.10 யூரோக்கள் மட்டுமே மேலதிகமாக பெறுவார்கள்.
- Full-Time தொழிலாளர்கள்: வாரத்திற்கு 36 மணி நேரம் வேலை செய்யும் ஒருவர் மாதம் 40.72 யூரோக்கள் மேலதிகமாக பெறுவார்கள்.
அதாவது, Full-Time Work செய்பவர்களுக்கு கிடைக்கும் பலன், Part-Time Work செய்பவர்களுக்கு கிடைக்கும் பலனை விட அதிகமாக இருக்கிறது. இதற்கு காரணம், Part-Time Work செய்பவர்கள் குறைவாக சம்பாதிப்பதால், புதிய வரி விதிப்பு முறையால் அவர்கள் அதிகமாக பாதிக்கப்படுகிறார்கள்.
Netherland ல் சம்பள உயர்வு ஒரு நல்ல விஷயமாக இருந்தாலும், புதிய வரி விதிப்பு முறையால் Part-Time Work செய்பவர்கள் பாதிக்கப்படுவது கவலைக்குரிய விஷயம். இந்த மாற்றங்கள் பற்றி அரசாங்கம் மறுபரிசீலனை செய்ய வேண்டும் என்று பலர் கோருகின்றனர்.
