2026 July முதல் Netherlands-தில் அமுலுக்கு வரும் புதிய சட்ட மாற்றங்கள் குறித்து தமிழ் மக்கள் அறிந்திருக்க வேண்டிய முக்கிய தகவல்கள்!
Netherlands கோடைகால விடுமுறை தொடங்கி மக்கள் பயணங்களுக்குத் தயாராகி வரும் வேளையில், அந்நாட்டு அரசு மக்களின் பணப்புழக்கம், அன்றாடச் செலவுகள் மற்றும் சிறுதொழில்களைப் பாதிக்கும் வகையிலான சில முக்கிய சட்ட மாற்றங்களை 2026 July 1 முதல் அமுலுக்குக் கொண்டுவந்துள்ளது.
இங்கு வசிக்கும் நமது புலம்பெயர் தமிழ் மக்களின் வேலைவாய்ப்பு, குடும்ப Budget மற்றும் வணிகங்களில் இந்த மாற்றங்கள் எத்தகைய தாக்கங்களை ஏற்படுத்தும் என்பதைத் தொகுத்து வழங்குகிறோம்:
1. குறைந்தபட்ச ஊதியம் உயர்வு (Increased Minimum Wage)
-Netherlandsதில் பணிபுரியும் தமிழ் இளைஞர்கள் மற்றும் Part-time workers மகிழ்ச்சியளிக்கும் வகையில், வயது அடிப்படையிலான குறைந்தபட்ச ஊதியம் உயர்த்தப்பட்டுள்ளது.
- 21 வயது மற்றும் அதற்கு மேற்பட்ட தொழிலாளர்களுக்கான குறைந்தபட்ச மணிநேர ஊதியம் 14.71 euros–க்களிலிருந்து 14.99 euros உயர்த்தப்பட்டுள்ளது.
- 15 வயது முதல் பணிபுரியும் இளைய தலைமுறையினருக்கும் அவர்களது வயதுப் பிரிவுக்கு ஏற்ப மணிநேரத்திற்கு 10 முதல் 20 காசுகள் (Cents) வரை ஊதியம் அதிகரிக்கும்.
2. ஓய்வூதியம் மற்றும் அரசு உதவிகள் அதிகரிப்பு (Pensions & Benefits)
அரசாங்கத்திடமிருந்து நிதியுதவி பெறுபவர்கள் மற்றும் ஓய்வூதியதாரர்களின் நலனைக் கருத்தில் கொண்டு சில சலுகைகள் அறிவிக்கப்பட்டுள்ளன.
- தனிமையில் வசிக்கும் முதியவர்களுக்கான ஓய்வூதியம் (Pension) 23 euros வரை அதிகரிக்கப்பட்டுள்ளது.
- சமூக நிதியுதவி (Bijstand), நோய்வாய்ப்பட்டோருக்கான உதவித்தொகை (WIA) மற்றும் மாற்றுத்திறனாளிகளுக்கான நிதியுதவி (Wajong) ஆகியவற்றைப் பெறுபவர்களுக்கும் கூடுதல் தொகை கிடைக்கும்.
- housing Alert : சமூகக் குடியிருப்புகளில் (Social housing) வசிப்பவர்கள் கவனத்திற்கு — வாடகைத் தொகையை 4.1 சதவீதம் வரை உயர்த்த வீட்டு உரிமையாளர்களுக்கு அரசு அனுமதி அளித்துள்ளது. இதனால் உங்களின் மாதாந்திர வீட்டு வாடகை சற்றே உயரக்கூடும்.
3. அஞ்சல் மற்றும் பார்சல் கட்டணங்கள் உயர்வு (Higher Prices for Parcels & Stamps)
வெளிநாடுகளில் இருந்து பொருட்கள் வாங்குபவர்களுக்கும், நெதர்லாந்துக்குள் கடிதங்கள் அனுப்புபவர்களுக்கும் கூடுதல் செலவு காத்திருக்கிறது.
- ஐரோப்பிய ஒன்றியத்திற்கு (EU) வெளியிலிருந்து (உதாரணமாக இந்தியா அல்லது இலங்கையிலிருந்து) இறக்குமதி செய்யப்படும் 150 euros குறைவான மதிப்புடைய பார்சல்களுக்கு இனி கூடுதலாக 3 euros இறக்குமதிக் கட்டணமாகச் செலுத்த வேண்டும்.
- நெதர்லாந்துக்குள் அடுத்த நாளே சென்றடையும் வகையிலான விரைவு அஞ்சல் தலைகளின் (Stamps) விலை 3.95 euros உயர்த்தப்பட்டுள்ளது. சாதாரண அஞ்சல் சேவை கட்டணங்களில் மாற்றமில்லை.
4. சுயதொழில் செய்பவர்களுக்கான புதிய கட்டுப்பாடுகள் (Rules for Entrepreneurs)
நெதர்லாந்து வர்த்தக சபை (KVK) மூலமாகத் தொழில் நடத்தும் தமிழ் தொழில்முனைவோர் மற்றும் சுயதொழில் செய்பவர்கள் (ZZP) புதிய விதிமுறைகளைப் பின்பற்ற வேண்டும்.
- தொலைபேசி அழைப்புகள்: வாடிக்கையாளர்களின் முறையான அனுமதியின்றி விளம்பர நோக்கங்களுக்காக அவர்களைத் தொலைபேசியில் அழைக்க இனி தடை விதிக்கப்பட்டுள்ளது.
- கனரக வாகனக் கட்டணம்: 3,500 கிலோவிற்கும் அதிக எடையுள்ள லாரிகள் மற்றும் சரக்கு வாகனங்களுக்குச் சில குறிப்பிட்ட சாலைகளில் கூடுதல் கட்டணம் (Tolls) வசூலிக்கப்படும்.
- குழந்தை பராமரிப்பு நிலையங்கள்: குழந்தைகளைப் பராமரிக்கும் இல்லங்கள் (Childminders) புதிய வழிகாட்டுதல்களைப் பின்பற்ற வேண்டும். அதேவேளையில், குழந்தை பராமரிப்பு மையங்களில் (Childcare centres) பயிற்சியாளர்களைப் (Trainees) பணியமர்த்துவதில் கூடுதல் தளர்வுகள் வழங்கப்பட்டுள்ளன.
5. போக்குவரத்து மாற்றங்கள் மற்றும் கொண்டாட்டங்கள்
நெதர்லாந்தின் தலைநகரான ஆம்ஸ்டர்டாமில் ஜூலை 25 முதல் ஆகஸ்ட் 8 வரை புகழ்பெற்ற ‘உலகப் பெருமித விழா’ (WorldPride) நடைபெறவுள்ளது.
- இதையொட்டி நகரம் முழுவதும் பல வண்ணங்களில் விழாக்கோலம் பூண்டிருந்தாலும், ஜூலை 4 முதல் மெட்ரோ மற்றும் டிராம் (Tram) பாதைகளில் பராமரிப்புப் பணிகள் நடைபெறுவதால் போக்குவரத்துத் தடங்கல்கள் ஏற்பட வாய்ப்புள்ளது. பயணங்களைத் திட்டமிடும் போது கூடுதல் நேரத்தை ஒதுக்குவது நல்லது.
முடிவுரை
இந்த புதிய மாதத்தில் உங்கள் வீட்டு பட்ஜெட்டைத் திட்டமிடும் போது, வாடகை உயர்வு மற்றும் அஞ்சல் கட்டண உயர்வைக் கணக்கில் கொள்ளுங்கள். பகுதிநேர வேலை செய்பவர்கள் தங்களது புதிய சம்பள உயர்வை (சம்பளப் பட்டியலில் – Payslip) சரிபார்த்துக் கொள்ளவும். சிறு தொழில் நடத்துபவர்கள் தங்களது வாடிக்கையாளர்களைத் தொடர்பு கொள்ளும் முறைகளைத் புதிய விதிகளுக்கு ஏற்ப மாற்றியமைப்பது சட்டச் சிக்கல்களைத் தவிர்க்க உதவும்.
இந்தக் கட்டுரை பொதுவான தகவல் நோக்கங்களுக்காக மட்டுமே வழங்கப்படுகிறது. சட்டபூர்வமான அல்லது நிதி சார்ந்த முடிவுகளை எடுக்கும் முன் சம்பந்தப்பட்ட அதிகாரப்பூர்வ இணையதளங்கள் அல்லது நிபுணர்களை அணுகுமாறு வாசகர்கள் அறிவுறுத்தப்படுகிறார்கள்.
From July 1, 2026, the Netherlands has introduced several important changes that could affect Tamil migrants’ daily lives, finances, and businesses. Key updates include a higher minimum wage, increased pensions and government benefits, possible social housing rent increases, higher import and postal charges, new regulations for self-employed entrepreneurs, and transport disruptions in Amsterdam due to summer maintenance and WorldPride events. These changes may have a direct impact on household budgets, employment income, and business operations across the country.
